أية رأيكم أعمل هنا كورسات أنجليزي فى المنتدى

السلام عليكم و رحمة الله و بركاته
أرجوا منكم المشاركة و التصويت علي هذا الموضوع
بصراحة يا جماعة أنا أشتراكي في المنتدى كان بالصدفة البحتة , كنت بدور في الاخ جووجل أدام الله بقائه علي نتيجة الاعدادية , و كان فية موضوع أسمة نتيجة الاعدادية فين , فالاخ جووجل أداني رابط للمصطبة , قولت لنفسي ياواد يا أبوسمرة أشترك معاهم علشان تعرف الاخبار أول بأول , و أنا أشتركت قبل كدة في منتديات تانية لكن لمدة يوم أو يومين أو أسبوع على الاكثر , لكن المرة دي حبيت المجتمع الكتكوتي جدا لدرجة أني حاسس أني خلاص بصوصو . مش عارف لية حبيته يمكن لاني بحب قعدة القهاوي من زمان ؟؟؟ الله أعلم
المهم حبيت أفيد الناس اللي موجودة هنا , بقيت أطلب مشاريب لكل الناس لحد مافلوسي خلصت و حساب النوتة كمان تقل أوي . قلت أفدهم بحاجة تانية حبيت أعمل قرصات للغة الانجليزية , تبدأ من أول A B لحد ما يشاء الله , فحبيت أخد رأيكم الاول علشان لو لقيت ان الموضوع هيكون له صدي ( قصدي أن الموضوع يعجبكم مش مصدي يعني ) أبدأ علي بركة الله أو أني أصرف نظر عنه خااااااااااااااااااالص و روح البيت و أكل شوية مهلبية و أنام أحسن
المهم عاوز أخد رأيكم في موضوع تاني كمان أن وافقتم ,تفضلوا أن كل درس يكون في موضوع لوحدة , ولا كل الدروس تكون في نفس الموضوع
و أن شاء الله أن وافقتم هيكون فية درسين لكل أسبوع و كمان هنتظر أسألتكم و مقترحتكم و هجيب عنها أن شاء الله , و كمان هنتظر منكم نقضكم البناء لطريقة الشرح أي أخطاء ممكن توجد ما أنا مش معصوم من الخطأ يعني ,علشان نعرف أزاي نوصل بالموضوع بأحسن صورة
يلا أنا منتظر ردودكم و كمان نتيجة التصويت , و أن كان كدة نبدأ الدرس من الاسبوع القادم أن شاء الله
يجعلة عامر
و ربنا يستر

ارجو المشاركه فى الرد